அறிவோம் உள்ளாட்சி நிர்வாகம் பதிவு - வீட்டு வரி ரசீது

வீட்டுவரி ரசீது.

ஊராட்சி பதிவேடு எண் : 2  வீட்டு வரி ரசீது கிராம ஊராட்சிகளால் பராமரிக்கப்பட்டு வரும் பதிவேடுகளில் இரண்டாவது பதிவேடு வீட்டுவரி ரசீது ஆகும் கிராம ஊராட்சி படிவம் - 2 என்றும் இதனை குறிப்பிடுவார்கள்..

ஒவ்வொரு வீட்டிற்கும் வீட்டு வரி ரசீது வழங்கும்போது 2 படிகளில் (Copies) வழங்குவார்கள் முதல் படியான (Original Receipt)   அசல் ரசீது வீட்டு வரி செலுத்துவோருக்கு கொடுத்துவிடுவார்கள்.  மற்றொரு படியான பிரதி ரசீது (Office Copy - நகல் ரசீது - கார்பன் காப்பி - இரண்டாம் படி) ஊராட்சி அலுவலகத்தில் பராமரித்து பாதுகாத்து வர வேண்டிய ஆவணமாகும். இது ரசீது புத்தக வடிவத்தில் இருக்கும் முதல் படி கிழத்து கொடுக்கும் வகையில் துளையிடப்பட்டு இருக்கும். இரண்டாம் படி கிழிப்பதற்கான துளையில்லாமல் இருக்கும். கையப்பம் செய்யும்பொழுதும் எழுதும் பொழுதும் கார்பன் பேப்பர் வைத்து எழுதுவார்கள் அது கார்பன் பேப்பர் முடிந்தவரை இரண்டு பக்கமும் எழுதும் வகையில் இருக்கும். ஏனென்றால் ஏதாவது அடித்தல் திருத்தல் செய்தால் வீட்டு உரிமையாளருக்கு வழங்கப்படும் அசல் ரசீதிலும் அந்தத் திருத்தங்கள் இருக்கும் முறைகேடுகள் ஏற்படுவதற்கு வாய்ப்பு இருக்காது என்பதற்காக இரண்டு பக்கமும் அச்சாகும் வகையில் கார்பன் பேப்பர்  இருக்க வேண்டும். எக்காரணத்தைக் கொண்டும் ஒயிட்னர் பயன்படுத்த கூடாது. பென்சிலில்  எழுதக் கூடாது. திருத்தங்கள் ஏதாவது செய்தால் உரிய அதிகாரம் உடையவர் அந்த இடத்தில் முழுமையாக கையொப்பம் செய்ய வேண்டும். 

ஒராண்டு கால ஒரு கிராம ஊராட்சி அனைத்து வீட்டு வரி இரசீதுகளையும் இணைத்தால் அது கிராம ஊராட்சியின் பதிவேடு எண் 2 ஆகும். அதாவது படிவம் 2 வீட்டு வரி ரசீது அடிக்கட்டை கிராம ஊராட்சிகள் பதிவேடு இரண்டாக மாறிவிடும். 

வீட்டு வரி ரசீது புத்தகத்தை உள்ளாட்சி நிர்வாகம் தன்னிச்சையாக அச்சகத்தில் கொடுத்து அச்சடித்துக்கொள்ள முடியாது மாவட்ட கூட்டுறவு அச்சகத்தில் கொள்முதல் செய்ய வேண்டும். அதற்கு கிராம  ஊராட்சியின்  கூட்டத்தில் தீர்மானம் நிறைவேற்றி ஒப்புதல் பெற வேண்டும். கிராம ஊராட்சியின் பதிவேடு  ல் புத்தங்களின் எண்ணிக்கையை வரவு வைக்க வேண்டும் ஏற்கனவே எத்தனை புத்தகங்கள் உள்ளது புதிதாக தற்சமயம் எத்தனை புத்தகங்கள் வந்துள்ளது எத்தனை புத்தகங்கள் பயன்படுத்துவதற்காக எடுக்கப்பட்டுள்ளது என்கின்ற விபரங்கள் இந்த பதிவேட்டில் கட்டாயம் பதிவு செய்ய வேண்டும். 

கால முறைப்படி உதவி வட்டார வளர்ச்சி அலுவலர்  (ABDO ஊராட்சி ஒன்றிய விரிவாக்க அலுவலர்)  மண்டல வட்டார வளர்ச்சி அலுவலர் (ZABDO) கிராம ஊராட்சிகளின் வட்டார வளர்ச்சி அலுவலர் (BDO-VP) ஆகியோர் வீட்டு வரி ரசீது புத்தகங்களை அவை தொடர்பான மற்ற ஆவணங்களை ஆய்வு Inspection  செய்ய வேண்டும் துணை வட்டார வளர்ச்சி அலுவலர் (தணிக்கை) ABDO Audit   ஊராட்சி நிதி தணிக்கை துறை அலுவலர்கள் local fund audit  ஆகியோர் ஒவ்வொரு வருடமும் வீட்டு வரி ரசீது உள்ளிட்ட ஆவணங்களை தணிக்கை audit  செய்வார்கள் தணிக்கை அறிக்கை கிராமசபை ஒப்புதலுக்கு வைக்கப்படும்.

மூன்று மாதங்களுக்கு ஒரு முறை நடைபெறும் கிராமசபை கூட்டங்களில் வீட்டு வரி ரசீது புத்தகங்கள் கிராம சபையின் பார்வைக்கு வைக்கப்படும் ஒவ்வொரு கிராம சபையிலும் கடந்த மூன்று மாதங்களில் வீட்டு வரி எவ்வளவு வசூலாகியுள்ளது உள்ளது என்ற விபரம் கிராமசபை பார்வைக்கு வைக்கப்படும். 

தினசரி வீட்டு வரி வசூல் தொகை உள்ளிட்ட அனைத்து வகையான வசூல் தொகையையும் ஊராட்சி செயலாளர்கள் விரைவாக ஊராட்சியின் வங்கி கணக்கில் செலுத்த வேண்டும் இதில் எந்த வகையிலும் காலதாமதம் இருக்கக்கடாது காலதாமதமாக வங்கி கணக்கில் செலுத்தினால் குற்ற வழக்கு நடவடிக்கைகளுக்கு உள்ளாக வேண்டிய சூழல் ஏற்பட்டுவிடும் 

கணினியில் பதிவேற்றம் செய்யப்பட்ட ரசீதுகள் கொடுப்பது சரியானது.

கணினி மயமாக்கப்பட்ட கிராம ஊராட்சிகளில் கம்ப்யூட்டரில் பிரிண்ட்  எடுத்து வீட்டு வரி ரசீது வழங்குவது சரியானது. இரண்டாம்படி வீட்டு வரி ரசீதுகளை  பைண்டிங் செய்து கிராம ஊராட்சியின் பதிவேடு 2 ஆக பராமரிப்பார்கள்.

Prathap selvam பதிவு....